🎧 தொடு தொடு எனவே வானவில் என்னை…

  

பெ: தொடு தொடு எனவே வானவில் என்னை

தூரத்தில் அழைக்கின்ற நேரம்

ஆ: விடு விடு எனவே வாலிப மனது

விண்வெளி விண்வெளி ஏறும்

பெ: மன்னவா ஒரு கோவில் போல்

இந்த மாளிகை எதற்காக

ஆ: தேவியே என் ஜீவனே இந்த

ஆலயம் உனக்காக

பெ: வானில் ஒரு புயல் மழை வந்தால்

அழகே எனை எங்கனம் காப்பாய்

ஆ: கண்ணே உன்னை என் கண்ணில் வைத்து

இமைகள் எனும் கதவுகள் அடைப்பேன்

பெ: சாத்தியமாகுமா

ஆ: நான் சத்தியம் செய்யவா..

பெ: தொடு தொடு எனவே வானவில் என்னை

தூரத்தில் அழைக்கின்ற நேரம்....

பெ: இந்த பூமியே தீர்ந்து போய்விடில்

என்னை எங்கு சேர்ப்பாய்

ஆ: நட்சத்திரங்களை தூசு தட்டி

நான் நல்ல வீடு செய்வேன்

பெ: நட்சத்திரங்களின் சூட்டில் நான்

உருகிப்போய்விடில் என் செய்வாய்

ஆ: உருகிய துளிகளை ஒன்றாக்கி

என் உயிர் தந்தே உயிர் தருவேன்

பெ: ஏ ராஜா இது மெய்தானா

ஆ: ஏ பெண்ணே தினம் நீ செல்லும் பாதையில்

முள்ளிருந்தால் நான்

பாய் விரிப்பேன் என்னை

பெ: நான் நம்புகிறேன் உன்னை

பெ: தொடு தொடு எனவே வானவில் என்னை

தூரத்தில் அழைக்கின்ற நேரம்

ஆ: விடு விடு எனவே வாலிப மனது

விண்வெளி விண்வெளி ஏறும்....

பெ: நீச்சல் குளம் இருக்கு நீரும் இல்லை

இதில் எங்கு நீச்சலடிக்க

ஆ: அத்தர் கொண்டு அதை நிரப்ப வேண்டும்

இந்த அல்லி ராணி குளிக்க

பெ: இந்த ரீதியில் அன்பு செய்தால்

என்னவாகுமோ என் பாடு

ஆ: காற்று வந்து உன் குழல் கலைத்தால்

கைது செய்வதென ஏற்பாடு

பெ: பெண் நெஞ்சை அன்பால் வென்றாய்

ஆ: ஏ ராணி அந்த இந்திரலோகத்தில்

நான் கொண்டு தருவேன் நாள் ஒரு பூ வீதம்

பெ: உன் அன்பு அது போதும்

பெ: தொடு தொடு எனவே வானவில் என்னை

தூரத்தில் அழைக்கின்ற நேரம்

ஆ: விடு விடு எனவே வாலிப மனது

விண்வெளி விண்வெளி ஏறும்

பெ: மன்னவா ஒரு கோயில் போல்

இந்த மாளிகை எதற்காக

ஆ: தேவியே என் ஜீவனே இந்த

ஆலயம் உனக்காக

பெ: வானில் ஒரு புயல் மழை வந்தால்

அழகே எனை எங்கனம் காப்பாய்

ஆ: கண்ணே உன்னை என் கண்ணில் வைத்து

இமைகள் எனும் கதவுகள் அடைப்பேன்

பெ: சாத்தியமாகுமா

ஆ: நான் சத்தியம் செய்யவா......